21 ton mish që mbahej në depon e Bashkësisë Islame të Kosovës, që ndodhet në Veternik të Prishtinës, është agjësuar nga Agjencia e Ushqimit dhe Veterinarisë, pasi që ka qenë mish i prishur se nuk guxon të konsumohet. AUV ka konstatuar se në depon e BIK nuk ka pasur kapacitet për ftohje dhe se ngrirja nuk është bërë me kohë.
Se mishi në deponë e Bashkësisë Islame të Kosovës mbahej në gjendje të tmerrshme kjo dihej gjithandej. Madje, një gazetë online me emrin Insajderi kishte raportuar për një gjë të tillë, dhe Agjencioni i Ushqimit dhe Veterinës së fundi mori mundin të dilte në terren.
Kjo agjenci ka konstatuar se mishi nuk guxon të përdoret për konsum pasi që nuk ka qenë i ngrirë me kohë, e për çka edhe është prishur.
“Inspektorët Veterinarë të Agjencisë se ushqimit dhe Veterinarisë menjëherë kanë realizuar kontrollin e depos. Aty kanë hasu në një sasi prej 21 tonë mish lloji i gjedhit. Pas inspektimit të detajuar, inspektorët kanë vlerësuar se fillimisht mishi i deponuar aty nuk është ngrirë me kohë”.
“Kapaciteti ftohës i depos nuk ka arritur qe të ngrijë mishin në temperaturën e nevojshme ruajtëse dhe si pasoj ka ardhë deri tek, kontaminimi apo prishja e mishit. Nga kontrolli fizik dhe organoleptik është konstatuar se mishi ka filluar të ndërroj ngjyrë, disa nga paketimet kanë pasur rrjedhje gjaku, qe dëshmon se mishi është shkrirë e ri ngrirë dhe ka filluar të kundërmojë erë (ka filluar procesi i putrifikimit)”, tha zëdhënësi i AUV, Lamir Thaçi.
Sipas Thaçit, bazuar në këto të gjetura është vendosur asgjësimi i sasisë prej 21 tonësh.
“Bazuar në ligjet në fuqi dhe procedurave standarde të kontrollit, bazuar në të gjeturat e lartë cekura, inspektoret kanë vendosur qe të bëhet asgjësimi i gjithë sasisë prej 21 ton për shkak sepse nuk i plotëson kushtet për konsum”, tha Thaçi.
Sipas tij, Bashkësia Islame ka krijuar kushtet për asgjësim sipas vendimit të Inspektorëve.
“Asgjësimi ka filluar sot dhe është duke u kryer nga kompania pastrimit të mbeturinave, në deponinë të mbeturinave në Obiliq nën mbikëqyrjen e inspektorëve të AUV-së”, tha ai.
Gjergj Shqipëria-Skender Jashari 